غرزة المشاعيط

السلام عليكم أيها المشاعيط

الغرزة منورة بأهلها

انا تلقيت دعوة من أبو شهاب ( كبير المشاعيط ) بناء على طلب مني

لذلك شكرا للعقيد ولكل الشباب مدريدي وأبو خليل وكهربجي وشل وكريم

( طبعا هاي أول مشاركة للمشعوط الجديد ( أخوكم أبو رمضان

لذلك حبيت احط أول مشاركة عن موضوع كلنا بنحبه

( الوظائف )

أولا: وظيفة الخدمات الطبية

هاي الوظيفة طلبوا منا شهادة حسن سيرة وسلوك وبما أنه احنا مشاعيط لذلك بلزمنا شهادة

برضو مش هان المشكلة

المشكلة انه في امتحان والتغي بفضل ربنا

( وصار بعد هيك في تحري ( يعني الي ............ كبار في حماس بشتغل

طبعا المشاعيط مش حماس ولا عمرهم بكونوا حماس

لذلك حظا أوفر أيها المشاعيط

( ثانيا: في وظيفة جديدة نازلة ( مدرس حكومة

أبو شهاب ما بحبها

لكن شو بدنا نعمل يا عقيد

في مقولة في فلم لأحمد حلمي اسمه ( مطب صناعي ) المقولة هاي بتقول

" من خطوات النجاح الأساسية أن تحب ما تفعل حتى تفعل ما تحب "

لذلك أنا أعتقد انه أبو شهاب لايحبذ هذا النوع من العمل لأني قرأت له مرة موضوع بحكي فيه عن التدريس

ولكن شو بدنا نعمل ؟؟؟ .......... انا نفسي مش عارف

بالمناسبة قبل كم يوم كنت أدردش انا وواحد من اعمامي فقال لي : رامي ما بدك تتجوز بدنا نفرح فيك يا عم ؟

طبعا انا قلت له ياريت ؟ ( والا شو راي المشاعيط ) ؟

فقالي متى ؟ قلت له لما تفرج

( حكى كلمة أكيد مش حتستغربوا منها وهي ( لما كان عمري 23.5 كان عندي 4 أولاد

ثالثا: هل نحن نحب غزة ؟

بدي احكي كلمة وحدة بس

الواحد فينا صار عمره 24 سنة وهو لسا مش قادر يصرف على حاله لما بدك حاجة بتروح زي الأسد للي خلفك بتقوله : يابا هات وهات وهات ؟ متى بدنا نصير نقول لأهلنا خد خد خد ؟

اترك الاجابة لكم

رابعا: تحية

تحية مني لكل المشاعيط وأتمنى أن أكون عضو فعال في الغرزة والى الأمام يا كل المشاعيط

أبو رمضان المشعوط الجديد

بالمناسبة اليوم علبة السجاير ب 6.5 يعني في أمل نضل ندخن ههههههههههههههه