الحمد لله الذي بنعمته تتم الصالحات

اليوم تحقق الانجاز التاريخي للشعب المرابط

الحمد لله

الشعب الذي عانى على مدار 6 سنوات متواصلة من الحصار والتجويع والحرب

لكن لا والله ما ركعنا ولا اعطينا الذلة

تحية اجلال لكل طفل وكهل وشاب وكل فلسطيني 

ألف مبارك

ربيع الثورات - صباح الصباح

صباح اللوز

ربيع الثورات العربية كما تسميه وسائل الاعلام العربية و العالمية اطل علينا عندما قام شاب تونسي مقهور بحرق نفسه احتجاجاً على السياسات التعسفية الظالمه الممارسة في بلده و على اشياء كثيره اخرى مثل البطاله و عدم اعطاء الشباب فرصة الظهور (ولو بعرباية خضرة) و الاهانة من قبل رجالات ( و نساء ) الأمن الموقرين اطال الله (شنوبهم)

ما ترتب على ذلك كان (فوعة) في معظم, ان لم تكن كل الدول العربية.

• مصر حرقتها بشباب ثورة 25 و كان المطلب الاساسي اسقاط النظام و العيش بكرامة (عايزيين نعيش بكرامة), اجدع ناس.
• اليمن تعز من زمان و الضالع يطالبون بفصل الجنوب عن الشمال نظراً (للحلابة) المستمرة للثروات من قبل الشماليين, بس لما صار ربيع الثورات, اتسعت رقعة الاحتجاجات لتصل الشمال و يطالب الجميع بثروات البلد المسروقة من قبل (الأخ القائد) و الحاشية.
• عُمان (عالسكت) طلعت مظاهرة وحدة انقمعت, و لكن السلطان (طلع صاحي و مروق التماسي) و زبط شعبه عالسريع. حركة ذكية جداً.
• ليبيا ( توك توك و شمسيات و نظارات راي بان و الله اكبر) على فكرة في جزء من خطاب القذافي ( اول خطاب ) ما حد انتبه عليه و كان يقول فيه التالي:

في ولد من الزنتان راح غلط في ولد من الورفلة
راحت قبيلة الورفلة زعلت من الزنتان

راحوا ردوا عليهم و قالوا هادول ولاد جهّال من الاعدادي ما يعرفوش الا اكل البناني ( يعني الموز للي مخه تخين حبتين ) !!!!!!!!!!!

و عادها في آخر الخطاب كمان مره

احيــــــــــــــــــــــــــــــــــــــــــــــــــــــــــــــــــــــه يا بناني

• سوريا …………………………… لا تعليق

وين القاسم المشترك بين الي فوق كلهم؟

رح تقلي ظلم - صح

رح تقلي قتلة – صح

رح تقلي بخافوش الله – صح

رح تقلي حرامية – صح

رح تقلي جواسيس – صح

بس القاسم المشترك الأكبر انه كلهم طلعوا علماء أحياء!!!! جميعهم يؤمن بنظرية التطور لدارون باشا و جميعهم يعتقدون ان الزعماء و الرؤساء و الملوك ( حضرة جنابهم ) هم كائنات بشرية ذات طراز رفيع و ما يحكمونه هم ( كائنات ) من فصائل حيوانية او بكتيرية او برمائية او قشرية او ( زحلماتية ) ..... الخ

واحد بطلع بقول جرذان عن شعبه

و التاني جراثيم يجب ان نجد لها وقاية

و الثالث يمكن يطلع يقول بقر, لا تصلح الا للاجترار و للحلابة و الاكل

و الرابع سحالي او إم بريص AKA بريعصة ( اقتلها بايدك بتصحلك عمرة و تلفزيون ال جي 50 بوصة – حلال )

و الخامس خنازير و يمكن ان تنقل انفلونزا لبلبول ابن الرئيس و يصير يعطس

و عد عندك يا عم الامور باقي 17 تصنيف للشعوب بالاضافة الى الخمسة المذكورة اعلاه

طب احنا الفلطسينية شو بنطلع, على حسب ما بيعرف الكل, روس بصل ( منيحة تندق على الطاولة و مع صحن فول عالصبح تسطيــــــــــــــــــــــــــــــــل و بتبيد الي قدامك لما تحكي معاه )

و في النهاية بقول, الى الأمام ايتها الشعوب العربية, ثورة ثورة ثورة

تصبحون على وطن

اكتفاء ذاتي

قرأت مقالة على الحزيرة نت ، شفت العنوان قلت الحمد لله ، دخلت على المحتوى لاقيته زبالة

عنوان المقال بيقول : رغم الحصار قطاع غزة يحقق الاكتفاء الذاتي زراعيا.

http://www.aljazeera.net/NR/exeres/6D0F4647-3E3E-4B3E-8245-D5CA415FF974.htm?GoogleStatID=9

بما انه اهل غزة ادرى بشعابها ، فقناة الرأي والرأي ، جابت آراء ناس تابعين للحكومة ومحسوبين عليها

مقدمة المقال بيقول

"منذ تعرضها للحصار قبل نحو خمسة أعوام انتهجت الحكومة الفلسطينية المقالة في قطاع غزة سلسلة من الخطوات العملية في محاولة للنأي بالقطاع الزراعي عن قبضة الاحتلال الإسرائيلي والوصول إلى مستوى من تحقيق الاكتفاء الذاتي في كثير من المنتجات الزراعية التي يستهلكها أهل غزة.

ووجهت الحكومة التي تديرها حركة المقاومة الإسلامية (حماس) الاستثمار في القطاع الزراعي مما أدى إلى العودة بالنفع على سكان غزة المحاصرين، وتحقيق اكتفاء شبه كامل عبر إحلال منتجاتها من المحاصيل الزراعية مكان معظم المنتجات الزراعية المستوردة."

طبعا اللي قرآ المقدمة قال شو ، اهل غزة ما بيستوردو حاجة من اليهود ، قلنا نكمل المقال لنشوف شو اللي حققنا فيه اكتفاء ذاتي وشو اللي ما حققنا فيه اكتفاء ذاتي :

"

وعن حجم الاهتمام الذي أولته الحكومة في غزة بالقطاع الزراعي أوضح وزير الزراعة في الحكومة المقالة محمد الآغا أن القطاع الزراعي في غزة استطاع أن يصل بمعدل الاكتفاء الذاتي في الدواجن والأسماك والخضراوات كالبطيخ والشمام والبصل والثوم والجزر وغيرها من المحاصيل إلى ما فوق 98%.

....

ودلل الوزير على حديثه بالقول إنه في السنوات السابقة كان يتم استيراد ما بين 20 و30 ألف طن من البطيخ سنويا، لكننا أنتجنا العام الماضي 35 ألف طن، ومن المتوقع في هذا العام أن تصل كمية الإنتاج إلى 40 ألف طن سنويا، وهو يغطي الاحتياج المحلي بالكامل."

مجالات الاكتفاء الذاتي :

- الدواجن - الاسماك - الخضروات (بطيخ ، شمام ، بصل ، ثوم ، جزر) .

الدليل انو فيه بطيخ وبطيخ وبطيخ وبطيخ مليان في السوق ؟؟؟ وراح نزرع بطيخ في كل بيت وكل حارة وكل زنقة.

مجالات عدم الاكتفاء الذاتي :

"ورغم تحقيق قطاع غزة اكتفاء ذاتيا في بعض القطاعات الزراعية، فإن مساحة القطاع التي لا تتعدى 350 كيلومترا مربعا، تستأثر المباني السكانية بأجزاء واسعة منها، لا تسمح بتحقيق الاكتفاء في قطاع الحبوب والأعلاف التي تعد من أكثر القطاعات الزراعية حيويةً للسكان."

"لكنه أشار في الوقت نفسه إلى أن الاكتفاء المتحقق في بعض المحاصيل الزراعية في القطاع نسبي وليس كاملا بسب احتياجات سكان قطاع غزة التي تفوق القدرة الإنتاجية في بعض المحاصيل جراء محدودية الأراضي الزراعية." ( الكلام لابو رمضان)!

عنوان المقالة متناقض مع المحتوى ، من اي ناحية ممكن تنظر ، وعيب على قناة زي الجزيرة تلفق اخبار وتحاول تعيد صياغتها بهالشكل المزري، الكل عارف انو 80% من الناس تقريبا بتقرأ العنوان واول سطرين وبتسكر الخبر!

ناس بتقول متحامل ، وناس بتقول ما بدو الخير ... انا بقول ، اللي بدو الخير إلى بيقلي عن مشاكلي وبيطرح مشاكلي على الرأي العام المحلي والعالمي لحتى نلاقيلها حل ، اما اللي بيعملي البحر طحينة هاد واحد منافق ما بيستاهل مني اي حاجة سوى اني افضحو.

قال اكتفاء ذاتي قال ، وكأنو الناس راح تعيش على البطيخ والجزر والثوم !

وإذا هاد معايير الاكتفاء الذاتي ـ كان المفروض كتبو مقالة عريضة عن مجالات التقدم والاكتفاء الذاتي العالي جدا اللي موجود في الدول العربية! 

بدي اشتغل واخدم بلدي

كما يقال ، كل داء له دواء يستطب به إلا الحماقة أعيت من يداويها .

تخرجنا من الجامعة ، ورفعنا لواء العمل من اجل الوطن ، راح الوطن دار ** النا وقال ***** ، معذرة لمقص الرقيب

طبعا اسهل شي في غزة وفلسطين بشكل عام نروح نعلق كل مشاكلنا على الاحتلال ، لأنو اللي ما بدو يشوف المشكلة بيهرب منها.

خلينا نسأل السؤال ، بعيدا عن الواسطات ، والتزكيات وغيرو ، انت كمهندس المفروض لحتى تبني بلدك تشتغل فيها ، احنا في فلسطين كل العقول بتتهجر برا البلد ، والسبب سياسي بالدرجة الاولى ، ولأنو انت ما بتسبح بحمد احد التنظيمات الموجودة على الساحة فانت لا راح تلاقي شغل ولا راح تحصل حتى على فرصة لحتى تقدم على شغل.

انا كواحد من هالخريجين الجداد ، فعلا رفضت اسافر برا البلد ، لأنو كنت بتلهف ع شغلة اسمها "اكون مواطن" واحصل على فرصتي في بلدي ، طبعا اصدمت بموضوع الواسطات ، المقابلات الوهمية ، الوظائف التنظيمية والحزبية ، الغش ، انا حسيت حالي غريب واجنبي في بلدي ، كانت النتيجة الطبيعية بعد 3 سنوات اني طلعت برا ، مش لأني يئست لا ، لأنو انا انسان حر وبدور ع كرامتي اللي راحت تحت رجلين هالناس المتنفذة في هالبلد ، ومعادنا يوم عند رب العباد.

ال3 سنوات من حياتي راحت وراحت من حياة شباب كتير ، لكن اللعنة والمرارة بعد ما تسافر وتبدا حياتك الوظيفية في بلد غير بلدك واللي انت فيها كأجنبي بتتعامل معاملة احسن من معامتلك كمواطن في بلدك ، بتلاقي ناس اعمارهم اقل منك بسنة وسنتين وثلاثة ، وعندهم خبرة أعلا منك وحاصلين على مسميات في الشركة اعلا منك ، مش لعيب فيك بالعكس ، لكن لأنو انت متأخر عن سوق العمل بالقدر اللي كنت فيه في بلدك بتحاول تخدمها...طبعا لو ما سافرت وما حصلت شغلانة زي الخلق والناس كان ما حسيت فعلا شو اللي صار وكيف هالبشر اللي متحكمين فينا عملو فينا .

فيه دول نامية معدلات البطالة فيها 40% ونسبة الفقر فيها 70% وفيها قرى لليوم ما بيعرفو شو هيا الكهربا وقاعدة بتعتني بالخبرات اللي عندها لأنو بدها تتقدم وتتطور، اما احنا ولا فخر من اقل معدلات الأمية في العالم ، كل بيت تقريبا فيه انترنت ، والاهم كل بيت تقريبا عايش ع المساعدات ،اي نعم ، سياسيينا وتنظيماتنا ربونا على الشحاتة وانو احنا شعب شحات ، فانت مش بحاجة انك تشتغل ولا تخلق فرص عمل في البلد بقدر ما ترخص جمعيات وتقطع ايدك وتشحت عليها وتصور غرفة تم قصفها من 30 زاوية وتنشرها في كل وسائل الإعلام وتعمل ألها صفحة ع النت عشان تلم التبرعات عليها .

إن كان فعلا الاحتلال هو السبب ، واليهود هما اللي بدهم يعملو فينا هيك، فانا بقول اليهود نجحو مليون في المية، مش من شطارتهم ، لكن من خيابتنا .

شو بتتوقع من بلد بتطرد الناس الفهمانة اللي فيها ، وبتربي الناس فيها على الكابونات ، وبتلم صغارنا وبتعلمهم كيف يكون مخلص للحزب والتنظيم اكتر من ابوه واخوه ودينو وبلدو.

وتصبحون على وطن

المدرسة ، التوجيهي ، الجامعة ، التخرج ، العمل؟

سلسلة فاشلة في حياة كل شاب فلسطيني او حتى في الوطن العربي ...

ذاكر عشان تنجح وترفع راسنا قدام الجيران!

بدنا مجموع عالي في توجيهي عشان تخش مهندس او دكتور ونخزي فيك عيون الناس!

المهندس بيلاقي وظيفة والدكتور بيلاقي وظيفة ، بكرة بتجيب مجموع زي الزفت وبتشتغل زبال!

الجامعة ، مصاريفك زيادة ، ادرس فيهم خليك تتخرج بسرعة وتشتغل وتشيل عنا شوي!

التخرج ، فرحان ع حالك ولابس الطربوش والسديري ومفكر حالك مهندس عنجد!

في الشغل ، ابقى قابلني ان شغلوك!

فيه حد فيكم ما سمع وحدة من هالجمل على الاقل في حياتو ؟

للاسف ، احنا مجتمعاتنا مجتمعات شبابية ، وكل التخريج منها للاسف كلام فارغ ، عمال حاملين شهادات ، لا يوجد ابداع او حتى محاكاه للابداع ، دايما بنجري ورا القرش والقرش حالقلنا ،،، اي بلد او مجتمع محترم فعلا ، بيخلي اولادو يدخلو التخصصات اللي هما حابينها ، احنا عنا بندخل التخصصات اللي اهلنا حابينها عشان نغيظ فيها الجيران والقرايب ، والنعم على هيك مجتمع .

انا لو رجع فيا الزمن وبعد ما وعيت وشفت وجربت ، فعلا ما راح ادخل كلية الهندسة ، ولا كان فكرت في الموضوع من اساسو .

اصلا مين فيكم كلكم اشتغل في مجال تخصصو ، ولا واحد حتى انا ، انا شغال مبرمج وفي احسن الاحوال مهندس برمجيات مع اني مش خريج برمجة ،،،، والله هزلت... هيك الدنيا وهيك الشعب يريد اسقاط المجتمع ، كل واحد فيكم يتذكر اهلو وشو درسو وشو اتشغلو وكيف عاشو واحنا بنكرر نفس الدائرة ،،،، بالكم بكرة لما تخلفو والله يرزقكم الخلفة الصالحة ،،، هل راح تتعامل مع اولادكم بنفس الطريقة ، ولا راح توعوهم وتقولولهم اختارو طريق حياتكم بنفسكم حتى لو كان زبال ، مادامك مقتنع وبتحب لم الزبالة فانت اكيد راح تبدع في هالمجال والبلد فعلا راح تنظف من الزبالة اللي فيها.

تعليقات مقتضبة بمناسبة وصول عدد الزوار ل10 الاف

بسم الله الرحمن الرحيم

تعليق 1 : عدد الزوار :

الحمد لله وصل عدد الزوار ل 10 الاف زائر وصفحاتنا بتطلع ع الجوجل نار ، ومبروك لشباب الغرزة ولكل شباب العالم ( يلا نعمل ثورة شباب الغرزة)

تعليق 2 : احداث مصر :

صراحة اللي صار في ميدان التحرير شي عجيب ولا كان الواحد يتوقعو في الأحلام ، لا يقظة ولا نوم ، بس سبحان الله ، ويبقى وجه ربك ذو الجلال والاكرام. طبعا الاشي راح يتدرس لقدام .

تعليق 3 : احداث تونس :

انا صراحة ما سمعت في الثورة تعت تونس إلا لما شرد بن علي ، ما بعرف صراحة شكلي كنت في غيبوبة برمجية في بحر السي شارب، بس رجالة يا تونس.

تعليق 4 : ليبيا :

الله يرحم الشهداء في ليبيا وفي كل مكان ، والقذافي راح يلحقو في كل زنقة زنقة وشارع شارع وبيت بيت ويشنقوه من كراكيعو ، لكم الله يا ليبيا

تعليق 5 : اليابان :

تخيلو العالم بدون بليش او انايم ( طبعا الكويسة مش اللي بيتابعوها البعض) ، فعلا العالم بدون اليابان سيختلف عما نعرفه اليوم ، سايونارا نيوهون ، سايونارا.

ومن جهة اخرى ، مهما وصلنا من تكنلوجا وتقدم ، الكل عاجز امام قدرة الله ، سبحان الله ، والله يلطف بعباده.ويطلف بحال الناس هناك.

تعليق 6 : الشعب يريد انهاء الانقسام :

انا صراحة مش عارف كانو يهتفو "حماس وفتح ايد وحدة" ، و "سلمية سلمية" ههههه ، طبعا ايد وحدة على مين ؟ وسلمية لشو ؟ تقليد غبي صراحة.

لازم يكون الهتاف " الشعب يريد اسقاط الحزبية" او " الشعب يريد اسقاط النتانة" او "لا لراكبي الامواج" ، اكيد الشعب الفلسطيني اكبر من كل التنظيمات ، وما بيليق اي حد يعامل شعبو بالاسلوب اللي بنشوفو في غزة او رام الله ، معادلة القوة اختلفت في العالم ولازم الكل يعرف هالشي .

ايام الانتخابات ، انا سجلت وما انتخبت ، لأنو الكل مش نازلي من زور ، وفيه غيري 30% من ابناء الشعب سجلو وما انتخبو ، وفيه نسبة مش قليلة اصلا ما سجلت ، احنا المعارضة الصامتة واذا فعلا بدت تتحرك راح يسقط كل شي ، من منظمة التخرير لاوسلو للتنسيق للاعتقال السياسي والمذهبي ، ولسياسة الاقصاء حسب الافكار والمبادئ ، ولسياسة احتكار التوظيف والواسطات ، لسياسة الكذب وكذب السياسة ، لفتح لحماس لكل التنظيمات ، الشعب في مصر ما تحرك ونجح إلا لما تجاوز النظام والاحزاب والتنظيمات اللي على الساحة كلها وخلق واقع جديد ، ولليوم مش قادرين يلحقو ورا ثورة الشباب ولا راح يلحقوها ، لأنو النظام يشملهم وكلو سقط.

تعليق 7 : شعار المرحلة :

شعار المرحلة : "هكونا متاتا " وتعيش فلسطين والامة العربية الاسلامية حرة ابية من الشرق إلى الغرب حرة في كل بيت وكل شارع وكل زنقة ، إلى الأمام إلى الامام ، ثورة ثورة ثورة.

سبيس توون - عدنا

مرحبا مقرفين
زمان عنكم و عن قعداتكم (كأني مش راح اشوفكم اليوم)
انا اليوم هين من مبدأ تنشيط الغرزة و الذهن لانه اتضح انه الكتابه شيء رائع للافصاح بمكنونات ما بين الكتفين مع العلم بأن مستوى الكتابه سيكون من السره و تحت - ملناش علاقه بما بين البينين
رح اكتب خرابيط كالعاده لا علاقه لها ببعضها البعض

خربوطه 1:
نفسي الحمير و الحصن في غززة يطلع الها انياب و مخالب
عشان تفسخ الحمير الي بتسوقها بلا رحمه و لا شفقه

خربوطه 2:
في حوار بيني و بين واحد بينما نشاهد التلفاز و اذ بمزّة اربعينيه تمر على الشاشه
أنا: شقفه (مشيراً الى المزّه) يا صباح اللوز
التاني: انت مريض يا زلمه
أنا: خش في طيزي

خربوطه3:
المجتمع يحكم على الناس بالمظاهر

• لو شافك مربي دقن - شيخ
• لو شافك مربي شنب كبير - وين يا شنب!!
• لو شافك لابس بدله - رايح يتجوز يا يشوف خطيبته
• لو شافك لابس دشداشه قصيره نوعاً ما - سلفي
• لو شافك ماشي جمب المدام و ماسك ايدك في ايدها - خاطب جديد و (اهبل)
• لو شافك ماشي و المدام 10 متر ورا و معاها عرّ أولاد - متجوز و قرفان طيزه
• لو شافك حامل بكسbox الكمبيوتر و رايح فيه مكان - يا جهازه خربان يا اما رايح يعبي الهارد سكس
• لو شافك بتصلي في مسجد عليه علم اخضر - حمساوي و انت مغمض!!
• لو شافك بتصلي في مسجد ما عليه علم اخضر - خايف على راتبه و سلطه فتح
• لو شافك بتصليش - شرموط
• لو شافك بتشتغل في مؤسسة دولية - جاسوس
• لو شافك حاطط سماعات في دانك و ماشي في الشارع - منيك شايف حاله
• لو شافك لابس شنطة كتف زي تبعون المدرسه و رايح اي مكان - هلس
• لو شافك عندك مرسيدس عيون و بيت حلو - كس اخت منظره من وين جابهم ؟
• لو شافك قاعد في الشارع قدام داركم سادد الطريق على خلق ربنا و بتبصبص على بنات الناس - مواطن عادي

وفي الأخير بقول
تصبحون على وطن

البداية

يوم السبت 27-12-2008 : كنت جالسا كعادتي على مكتبي في زاوية الغرفة أعمل كالمعتاد، الغرفة تطل على مدينة غزة من الطابق الثاني عشر في واجهة زجاجية تمتد من الجدار حتى الجدار بجانبي تكشف الجهة الشمالية الغربية للمدينة، تطل الغرفة من هذه الجهة على مبنى عرفات للشرطة والجوازات، بينما تطل الجهة الغربية على مقر الأمم المتحدة المركزي في المدينة ، وتطل الجهة الجنوبية على منطقة الزيتون وما خلفها في منظر متسع حتى الأفق .

وفي تمام الساعة الحادية عشر والنصف تماما سمعنا صوت شديد ، وكالعادة لم نتحرك من أماكننا ظنا منا إنها اختراق حاجز الصوت أو حتى عملية قصف عادية كما اعتدنا عليها دائما ، وفي أثناء هذا التأمل سمعنا صوتا أخر اشد قربا ، تبعه عدة أصوات شديدة متعددة الاتجاهات على شكل موجات متتابعة، عندها انقطع حبل التفكير بعد أن علمنا أن هناك امرأ يختلف عن كل المرات، وفي نظرة خاطفة على منظر قطاع غزة المتجلي من الواجهات الزجاجية - والتي لحسن الحظ كانت مفتوحة لتتحمل ضغط الهواء الناجم عن الانفجارات – وإذ بقطاع غزة أصبح تعلوه أعمدة الدخان الضخمة تتصاعد من على طول القطاع من شماله لجنوبه  من مناطق متفرقة في منظر مهول وفي أقل من دقيقتين في استعراض قوة وبطش الآلة العسكرية الصهيونية ، كان اقرب تلك الأعمدة ما تصاعد من مقر مدينة عرفات للشرطة وقد رأيت الجثث ملقاة في الساحة ورجال الشرطة يجرون في كل حدب وصوب.

أعمدة الدخان تتصاعد من القطاع

قمنا بتشغيل محطات الراديو المحلية بلا فائدة ، الكل في حالة صدمة ، لا احد يعرف ما يجري ، وفي بث الجزيرة المتقطع على الانترنت وفي مقابلة المذيع جمال ريان مع د.اسماعيل رضوان – احد قادة حماس والمتحدثين باسمها -  قال بأن الحرب على قطاع غزة قد بدأت وأن جيش الاحتلال يريد إسقاط حكم حماس في غزة وأن قادة حماس بخير وإنه يطمئن الجميع بأن قادة حماس بخير وبينما نحن نستمع إليهم دخل علينا "أبو عمر" وهو لا يكاد يستطيع الوقوف على إقدامه من شدة الصدمة وأخذ بسرد ما رآه، فقد كان يمشي بالقرب من مدينة عرفات للشرطة وكان الأطفال قد خرجوا من مدارسهم يوم السبت كالعادة وإذ بالانفجارات تحدث والكل يجري في كل مكان من دون وعي أو تفكير ، وغيوم الدخان تغطيهم وتمطرهم ببقايا الحجارة، فأخذ "أبو عمر" بالجري حتى وصل للشركة من دون تفكير وعلامات الذعر مرسومة على وجهه ، وفي أثناء ذلك قال لنا أبو خالد وهو مدير الشركة لا تقتربوا من النوافذ وأغلقوا الشركة واذهبوا إلي بيوتكم ولا تستعملوا المصعد ونزل مهرولا على الدرج .

وكعادتي وقفت انظر إلى قطاع غزة من الواجهات الزجاجية ...  بعد الانفجارات أعمدة الدخان تتصاعد في السماء ... أصوات الطائرات ... نظرت إلى من حولي من الموظفين والكل مرسوم على وجهه علامة واحدة تقول: " ماذا بعد ؟" ... ابتسامة عريضة على وجهي ... "يلا ننزل بالسانصير".

البحر

كيف حال الشباب الحلوة

ان شاء الله تكونو بخير

بدكمش تطلعو ع البحر ولا هو كمان بطل ببلاش

لما اسمع عن المبالغ اللي صارت مفروضة من البلدية ع الناس عندكم بحسكم ساكنين في لاس فيغاس

هل معقول الخدمات في المقابل بتستاهل ؟

ولا على رأي ابو عمار الي مش عاحبة يشرب من بحر غزة

ابقو ردو يا حلوين

وهجر المشعوطون الغرزة

السلام عليكم

كيف حال الجميع

وينكم يا حلوين

شو هالهجران هاد

الله يرحم ايام الشباب