صباح اللوز
ربيع الثورات العربية كما تسميه وسائل الاعلام العربية و العالمية اطل علينا عندما قام شاب تونسي مقهور بحرق نفسه احتجاجاً على السياسات التعسفية الظالمه الممارسة في بلده و على اشياء كثيره اخرى مثل البطاله و عدم اعطاء الشباب فرصة الظهور (ولو بعرباية خضرة) و الاهانة من قبل رجالات ( و نساء ) الأمن الموقرين اطال الله (شنوبهم)
ما ترتب على ذلك كان (فوعة) في معظم, ان لم تكن كل الدول العربية.
- مصر حرقتها بشباب ثورة 25 و كان المطلب الاساسي اسقاط النظام و العيش بكرامة (عايزيين نعيش بكرامة), اجدع ناس.
- اليمن تعز من زمان و الضالع يطالبون بفصل الجنوب عن الشمال نظراً (للحلابة) المستمرة للثروات من قبل الشماليين, بس لما صار ربيع الثورات, اتسعت رقعة الاحتجاجات لتصل الشمال و يطالب الجميع بثروات البلد المسروقة من قبل (الأخ القائد) و الحاشية.
- عُمان (عالسكت) طلعت مظاهرة وحدة انقمعت, و لكن السلطان (طلع صاحي و مروق التماسي) و زبط شعبه عالسريع. حركة ذكية جداً.
- ليبيا ( توك توك و شمسيات و نظارات راي بان و الله اكبر) على فكرة في جزء من خطاب القذافي ( اول خطاب ) ما حد انتبه عليه و كان يقول فيه التالي:
في ولد من الزنتان راح غلط في ولد من الورفلة
راحت قبيلة الورفلة زعلت من الزنتان
راحوا ردوا عليهم و قالوا هادول ولاد جهّال من الاعدادي ما يعرفوش الا اكل البناني ( يعني الموز للي مخه تخين حبتين ) !!!!!!!!!!!
و عادها في آخر الخطاب كمان مره
احيــــــــــــــــــــــــــــــــــــــــــــــــــــــــــــــــــــــه يا بناني
- سوريا …………………………… لا تعليق
وين القاسم المشترك بين الي فوق كلهم؟
رح تقلي ظلم - صح
رح تقلي قتلة – صح
رح تقلي بخافوش الله – صح
رح تقلي حرامية – صح
رح تقلي جواسيس – صح
بس القاسم المشترك الأكبر انه كلهم طلعوا علماء أحياء!!!! جميعهم يؤمن بنظرية التطور لدارون باشا و جميعهم يعتقدون ان الزعماء و الرؤساء و الملوك ( حضرة جنابهم ) هم كائنات بشرية ذات طراز رفيع و ما يحكمونه هم ( كائنات ) من فصائل حيوانية او بكتيرية او برمائية او قشرية او ( زحلماتية ) ..... الخ
واحد بطلع بقول جرذان عن شعبه
و التاني جراثيم يجب ان نجد لها وقاية
و الثالث يمكن يطلع يقول بقر, لا تصلح الا للاجترار و للحلابة و الاكل
و الرابع سحالي او إم بريص AKA بريعصة ( اقتلها بايدك بتصحلك عمرة و تلفزيون ال جي 50 بوصة – حلال )
و الخامس خنازير و يمكن ان تنقل انفلونزا لبلبول ابن الرئيس و يصير يعطس
و عد عندك يا عم الامور باقي 17 تصنيف للشعوب بالاضافة الى الخمسة المذكورة اعلاه
طب احنا الفلطسينية شو بنطلع, على حسب ما بيعرف الكل, روس بصل ( منيحة تندق على الطاولة و مع صحن فول عالصبح تسطيــــــــــــــــــــــــــــــــل و بتبيد الي قدامك لما تحكي معاه )
و في النهاية بقول, الى الأمام ايتها الشعوب العربية, ثورة ثورة ثورة
تصبحون على وطن
هناك 4 تعليقات:
تحشيش رسمي النقطة تبعت داروين .
والله صحيح ، لاحظت كل واحد بيقول عن شعبو شغله ، بس قصة الجراثيم رهيبة.
احنا الفلسطينية ، لما اول شي يكون عنا دولة او حكومة جد بنبقى نفكر كيف نثور عليها تقلقش
قوية هاي يا كنافه
علشان هيك تصبحون على وطن بنختم فيها العرس الجماهيري الكبير.
اصبح عندي الآن دوله و حجرين و رقاصة و سمعني اني اتنفس تحت الماء اني اغرق اغرق اغرق
من أنتم من أنتم
أنا شايف القصة من زاوية تانية ( يمكن شايفهامن خزق الباب بلا قافية)
وشايف انه الموضوع صار تقليد + محدش فاهم اشي + شو استفدنا من كل ثوراتهم ؟؟
ولا اشي !!
هي المصريين شاتوا حسني بالصرماية بعد ما كان ملزق بسوبر غلو بس اذناب النظام البائد لسا ماسك البلد وأول اشي طمنوا العام عليه هو الاتفاقات اللي بينهم وبين حبايبهم الاسرائيلية لسا فل الفل
يعني كل اشي على ماهو عليه بس بغيروا وجوه مش اكتر
والمجلس الثوري او اللي ما بعرف شو اسمه في ليبيا اللي متحالف مع الغرب .. عميل عيني عينك وبطالب بتدخل بري
صحيح على سيرة مصر قبل ما انسا
اللي إمه مصرية يروح يقدم اوراقه عشان ياخد جنسية مصرية :D
أو ستو مصرية يخلي ابوه ياخد الجنسية وبعدين هو بياخدها عن طريق ابوه وهكذا
نص غزة راح يكون عندها جنسية مصرية :D
الفائدة الوحيدة اللي راح نستفيدها انه وقت ما بدك تنقلع من غزة بتقدر تطلع ^_*
وسلمولي على داروين
حبيبي يا حوت
يعني في منه و فش منه
بس الي بدك تعرفه انه الشعوب العربيه كسرت حاجز الصمت و الرعب
بكفي قرف و ظلم, موضه مش موضه لازم تغيير
إرسال تعليق