سلسلة فاشلة في حياة كل شاب فلسطيني او حتى في الوطن العربي ...
ذاكر عشان تنجح وترفع راسنا قدام الجيران!
بدنا مجموع عالي في توجيهي عشان تخش مهندس او دكتور ونخزي فيك عيون الناس!
المهندس بيلاقي وظيفة والدكتور بيلاقي وظيفة ، بكرة بتجيب مجموع زي الزفت وبتشتغل زبال!
الجامعة ، مصاريفك زيادة ، ادرس فيهم خليك تتخرج بسرعة وتشتغل وتشيل عنا شوي!
التخرج ، فرحان ع حالك ولابس الطربوش والسديري ومفكر حالك مهندس عنجد!
في الشغل ، ابقى قابلني ان شغلوك!
فيه حد فيكم ما سمع وحدة من هالجمل على الاقل في حياتو ؟
للاسف ، احنا مجتمعاتنا مجتمعات شبابية ، وكل التخريج منها للاسف كلام فارغ ، عمال حاملين شهادات ، لا يوجد ابداع او حتى محاكاه للابداع ، دايما بنجري ورا القرش والقرش حالقلنا ،،، اي بلد او مجتمع محترم فعلا ، بيخلي اولادو يدخلو التخصصات اللي هما حابينها ، احنا عنا بندخل التخصصات اللي اهلنا حابينها عشان نغيظ فيها الجيران والقرايب ، والنعم على هيك مجتمع .
انا لو رجع فيا الزمن وبعد ما وعيت وشفت وجربت ، فعلا ما راح ادخل كلية الهندسة ، ولا كان فكرت في الموضوع من اساسو .
اصلا مين فيكم كلكم اشتغل في مجال تخصصو ، ولا واحد حتى انا ، انا شغال مبرمج وفي احسن الاحوال مهندس برمجيات مع اني مش خريج برمجة ،،،، والله هزلت... هيك الدنيا وهيك الشعب يريد اسقاط المجتمع ، كل واحد فيكم يتذكر اهلو وشو درسو وشو اتشغلو وكيف عاشو واحنا بنكرر نفس الدائرة ،،،، بالكم بكرة لما تخلفو والله يرزقكم الخلفة الصالحة ،،، هل راح تتعامل مع اولادكم بنفس الطريقة ، ولا راح توعوهم وتقولولهم اختارو طريق حياتكم بنفسكم حتى لو كان زبال ، مادامك مقتنع وبتحب لم الزبالة فانت اكيد راح تبدع في هالمجال والبلد فعلا راح تنظف من الزبالة اللي فيها.
هناك 4 تعليقات:
والله كلامك اجا ع الجرح ... بندم بيوم اني شديت حيلي بتوجيهي هههههه
كان دخلت اي تخصص وريحت راسي ...
بعين الله
بقصد انه تخصص مقتنع فيه مش بس اني لازم ادرس في افضل كلية ...
وتحياتي لمن دمر حياتي
يعني انا كتبت تعليق اخو اشي ابن 66 كبير عريض و الجوجل محالي اياه, يفضع عرضك يا جوجل
المهم انا كنت بحكي يا سيدي انه المهم لما تكبر ترجع تشتغل الي نفسك فيه و الي بتحبه
الهندسه تبعتنا حطها في دانك, بتنفعك لما تتزوج بس عشان البرستيج المصدي, امك تقول للعروس -على اساس انها مش طبيبه او مهندسه- انه ابنها مهندس قلق
كلنا كنا نسمع الكلام الخرائي الي انت كتبته و ارفع راسنا و ليش ما سكرتش العلامه و ما بعرف شو
ولك انا يا زلمه لهلقيت مش عارف ايش هو التخصص الي بحبه!! حطيت راسي في الاداره و هيني الحمد لله ماشي فيها و ان شاء الله بنصل
كريم حبيب الشعب،انا داري وكلها لربك بتهون ، والله جد تحياتي لمن دمر حياتي.
بوبريج ،معلش امسحها في هاللحية ، ما انت عارف الحج جوجل لما يتولدن ، ما انا صفنت شوي وقلت اصلا النظام التعليمي تبعنا كلو زبالة من ساسة لراسو وفعلا الواحد بيعيش وبيموت وهو مش عارف حالو ليش بيدرس وبيحشو في مخو كل هالعلم.
يا مدريدي يا حبيبي ، هو اصلا احنا درسنا هندسة ، ضحكو علينا بالكتب المسروقة المصورة وشوية الدكاترة اللي بدينا نغيب عن محاضراتهم من سنة تانية جامعة ، علي الضمان فيه دكاترة ما حضرتهم محاضرتين ع بعض في ال5 سنين وبتقلي دراسة بعين الله والحمد لله انو مصيبتنا ع قد هيك ههه
إرسال تعليق