السنة الهجرية الجديدة

حبيت اسلم ع الشلة المشعوطة
واقلهم ان شاء الله السنة الجاي بتكون احسن علينا كلنا
نفسيا وعقليا وجسديا وماديا
وكل عام وانتم بخير
قولو آمين وبيكفي تنطيش اما انكم مشاعيط عيرة
الله يكون بالعون هاد لو كنتو مشغولين عنجد كان شو عملته هههههههه

على سيرة الجامعة هههه روح شطف شهادتك مش معترف فيها

ههههههههههههههه
على سيرة الجامعة تبعت الكهربجي باشا الحكمدار
رحت اصدق الشهادة من السفارة الفلسطينية قالولي روح شطف
جاي وشهادتك فش عليها ولا حاجة
روح ابعتها ع التربية والتعليم العالي في رام الله يصدقوها وبعدين وزارة الخارجية في رام الله عشان الاستخدام الخارجي
بعدين بتيجي عنا نعطيك تصديق السفارة على التعليم العالي والخارجية
بعدين بتروح اتوديها على وزارة الخارجية تبعت البلد اللي انت فيها
بعدين بتروح تودهيا ع اساس يعتمدوها في وزارة العمل

ههههههههههههههههههههههههههههههههههههههه

شهادتي شهادتي صرتي ورقة بيضة بعد 5 سنين فلق في الجامعة هاد اخريتها
والعملية هاد بدها مش عارف أ كم من 100 دولار
** اخت ام الروتين المقرف

طبعا اتحفظ على اسم البلد الي انا فيها
سلام انشعاطي

غرزة المشاعيط

أهلين بكل المشاعيط

وين زمان عنكم 

المهم قبل كم يوم كنت في الجامعة عشان الانجليزي طبعا

و كان معاي شوية وقت زيادة فقلت أزور الغرزة القديمة

سبحان الله !!!!! صارت حلوة بعد ما طلعنا منها وزبطوها

وهذي شوية صور منها

الأولى

الثانية

ومش بس هيك صار في منظر جميل قدامها ( الملعب) زبطوه كمان

الثالثة

الرابعة

هذا عند جد وجوهكم مكلحة ما طلعتوا الا و زبطو الجامعة تمام

أودعناك

مشكلة تواصل

كيفكو يا مشاعيط ............................... وين زمان عنكم

لقيت المدونة نايمة قلت تنشيطة شوية    هههههههههه

المهم جيبلكم موضوع عن التواصل بما انو حطرتي بحاول احسن من انجليزياتي 

شوفو يا طولين العمر

هذي قصة حقيقية يرويها السفير الياباني لدى الولايات المتحدة الامريكية 


قبل بضعة أيام أعطي رئيس الوزراء موري بعض المبادئ في المحادثة باللغة الانجليزية


قبل زيارته للولايات المتحدة لمقابلة الرئيس الأمريكي باراك أوباما


وتم إخباره بأن عليه أن يقول عندما يصافح باراك أوباما التالي:


how are you؟

كيف الحال 


I am fine, and you?

ليرد عليه أوباما : بخير, وأنت؟ 


me too

فيرد عليه رئيس الوزراء وأنا أيضا بخير 


ثم بعدها يتولى المترجم بقية المحادثة


تبدو مهمة سهلة أليس كذلك؟ إلا أن الحقيقة كانت كالاتي


عندما قابل رئيس الوزراء موري باراك أوباما


who are you?

قال له بالخطأ: من أنت "بدلا من كيف حالك 


انصدم أوباما من السؤال وحاول تلطيف الجو فقال



well, I am Michelle's husband, ha ha

أنا زوج ميشيل ههههه


فرد عليه موري


me too ha ha

وأنا كذلك هههه 


عندها خيم صمت طوييييييييييل على غرفة الاجتماع

طبا الصمت الطويل في لغة المشاعيط له تفسيرات كثيرة

شخصيا انا تفسيري هو انهم كانو بيفكروا مين كمان منهم هو (me too) غير السفير !!!!!!!!!!!!!!!!!!!!!!!!!!

أودعناكم

مايكل جاسكون...!

مايكل جاكسون مات اخيرا زي مصير اي كائن حي في هالدنيا ، طبعا الكل عارف وما فيه لازمة للكلام الكتير في الموضوع.
القصة وما فيها بأتذكر وانا صغير من اول ما وعيت وكان هالزلمة مشهور خير الله ، الكل يجيب في سيرته ويسمع فيه وطبعا اللي ما سمع فيه من صغره بيكون مش في هالدنيا عايش ، بأتذكر كيف دايما يجيبو سيرته أنه ما عجبته خلقه الله يعني انو اسود فراح عمل عملية تجميل خلى حالة ابيض ، طبعا هاد الكلام كنا نسمعه في قعدات الشباب وعلى منابر الجوامع وحتى في المدارس ..
طبعا احنا عرب ومعروف عنا انو عايشين على الاشاعات والكذب والكلام الفاضي ، انا شخصيا هادي معلوماتي كانت... لكن ما كنت مقتنع فيها ، هل فيه عملية تجميل بتخلي الاسود ابيض .؟
احتمال يكون فيه ، لكن هاد السؤال اللي كان يجول في فكري وانا صغير.... بعد ما سمعت بموت مايكل جاكسون قلت لازم بعد 20 سنة من هالسؤال اللي مالاقيتله جوال ادور عليه اليوم .. وفعلا بعد 3 ايام بحث على الانترنت اتضح يا اسيادنا الاعزاء انو كل القصص الي كنا نسمعها بخصوص هالزلمة طلعت كذب ... عادي كذبة من 20 سنة الواحد مقتنع فيها او هي المعلومة اللي حواليه وصلولو اياها ، صحيح ممكن تكون تافهه او ما إلها لازمة عند كتير من الناس لكن لو قسنا الامور على ابس مقاييسها إنو احنا فعلا العرب عنا كذبات كثيرة حوالينا مقتنعين فيها وبنتصرف على اساسها وطبعا مجتمعنا المريض المبني على القيل والقال والنميمة اللي دينا نهانا عنها هو اللي ادى فينا لهالحال الزبالة.
زي قصة اللي قسمو البير بالعصا واللي صنفو البلد فوق وتحت وكلها شارع ، او حتى على مستوانا اليوم بنوخد يوم عيد الاستقلال واحنا الارض الوحيدة في العالم المحتل لليوم وبنوخد اجازة وبنصدق حالنا ..

طبعا بالرجوع لقصة مايكل جاكسون ، هالزلمة الاسود صار عنده مرض اسمه البهاق ، طبعا كونا فلسطينية فرئيس دولتنا المستلقة السابق على فرض هههه ، كان عنده البهاق وكان اسمر واخر ايامه صار ابيض مني طبعا ، مايكل كان عنده نفس المرض وطبعا بحكم انو مغني مشهور كان لازم يخضع للعلاج والعلاج كان نتيجته انو تتسرع عملية المرض وبدال ما يصير بقع في الجسم طغى على كل الجسم وصار ابيض مبقع ، ولحقتها كزا عملية تجميل مشان يزيلو البق وبالتالي انتهى الزلمة حاله بأنه ابيض ، وطبعا من اغانيه ضل متمسك بأصله الاسود لآخر يوم في حياته اللي كانت 50 سنة ، طبعا 20 منهم كنت انا بفكر انو حطوه في كبسولة اكسجين وقلب حالو ابيض عشان بدوش يكون نيجار فور لايف هههههه . الحقيقة حلوة لما الواحد يعرفها وطبعا بخلي الواحد يطلع ويعيد نظر في كل معلومة بتوصله سواء على الايميل او ع الويب او ع التلفزيون وطبعا اكيد من الناس لأنه ما لم يكن له مصدر ثابت وصحيح فهو اشاعه وما اكثرها في مجتمعنا الفلسطيني .
طبعا الايميلات التسلسلية اللي مشهورة كمان والمأخوذة من قصص اللعنات التايلندية لازم ما حد ينشرها ، وكلنا اكيد وصلنا منها كتير ، اعمل كذا وكذا وابعتها لغيرك عشان يصير كذا وإلا كذا .. طبعا كلها افتراءات وكذب واحيانا فيها احاديث موضوعة او مكذوبة .
النقطة الاخيرة.... فعلا لازم ننضج فكريا..بكفي اللي صار فينا في فلسطين ويا ريت نكون عبرة للكل ولاجيال المستقبل هاد اذا كان فيه مستقبل من اصلوا!

للمزيد حول مرض البهاق شوفو الحج وكيبيديا
http://en.wikipedia.org/wiki/Vitiligo

سايونارا

freedom will come

السلام عليكم

ابمارح كنت بتفرج ع المنشدين الاجانب
اتدعقمت في واحد اسمه "زين" بريطاني من اصل جنوب افريقي كنو
المهم صوتو عجبني الزلمة صوتو تحفة للأمانة بيشبه صوت مايكل جاكسون
رحت ما خيبتش ظن والله وراسلته " مخ غزاوي " قلتله ليش ما بتعملو اناشيد لفلسطين
الزلمة ما خيبش التاني ردلي ع الرسالة وقالي انهم بيعملو البوم لفلسطين
وانو طلعو فيديو كليب
شوفو هان وهاد الموقع
http://www.freedomwillcome.com/

المهم ضربنا صحبة مع الزلمة وطلعو بيحبو الفلسطينية
بس قلتلو اوعك تيجي ...
ههههههههه
نراكم

اوعى تدحش الفلفل

السلام عليكم

ه1 ن1
انفلونزا الخنازير هي الشغل الشاغل لنصف سكان الكره الأرضية حالياً
تسببت بقتل العشرات و تؤثر كثيراً على اقتصاديات الدول
لمعرفة المزيد _ افتح يا سمسم ++ جوجل

كيف المرض طلع؟؟ هذا هو السؤال

الآن فيروس الايدز كان متواجد في القرود فقط_ اجا واحد آدمي محترم مسك قردة ( ان ما كانش قرد ) و *)#^$&^ مما ادى ذلك الى انتقال المرض من الحيوانات الى الانسان و الخ الخ الخ

طيب كيف انتقل المرض من الخنزير الى الانسان ؟؟؟
سيبك من علم الجينات الذي ينص على احتمالات كثيره لتناقل المرض من طائر الى انسان او الى خنزير او من طائر و انسان الى خنزير

شكله كاين في واحد مكسيكي خرمان مش متزوج معوش 3000 دينار حق مهر و 2500 دينار حق طقم و شاف خنزير ماشي في الشارع و الباقي عندكم

هلقيت شو دخل الفلفل في النص ؟؟

ممكن الاخ المكسيكي برضه يشوف قرن فلفل احمر و كبير ( و تكون ميوله الجنسيه غير سليمه ) يروح داحش قرن الفلفل هنـــــــــــــــــــــــــــاك يقوم القرن (الي بالصدفه يكون مريض) يعطس برضه هنـــــــــــــــــــــــــاك يصير في عندك انفلونزا الفلفل

مين ساعتها بوكل هوا
اهل غزة نظراً للشره الشديد للفلفل

مصيبه اخرى لو الأخ المكسيكي شاف حماره في الشارع و صار عنا وباء جديد اسمه انفلونزا الحمير
جباليا البلد بتوكل بطاطا

للاستزاده
http://en.wikipedia.org/wiki/2009_H1N1_flu_outbreak

سلام

جولة في شارع ساندي

قصة قديمة عن شاب قديم ، بحكم عمله في بيع "الشنطة" ، ذهب ليتعسعس أخبار السوق الخاص الذي يتاجر فيه بالشنطة ، وفي أثناء مروره في شارع ساندي "شارع العشاق" والمشهور بوجود محلات بيع الجملة فيه ، وإذ به يلتقي شخصية قديمة من شخصيات الروايات ، أديب كبير في الروايات الخرافية ، يقال أنه تلقى الكتب ال42 الادبية النادرة من الأديب الكبير " مشعوط باشا الحكمدار" .
وقف صديقنا مع هذه الشخصية ، اراد السلام عليه ليس إلا بحكم معرفته من الكتب النادرة السابقة، ولكن ما جذب انتباه صديقنا وجود هذه الشخصية الأدبية النادرة في شارع ساندي وهو الشارع المعروف بأن ليس للأدباء البتة .... تحدث صديقنا إلى الأديب القديم ، ودار بينهما الحوار التالي :
صديقنا : كيف حالك ؟ اين هذه الغيبة ، لم أرك منذ العصر الحجري .
الأديب : تلك الدنيا .
صديقنا : دنيا صحيح ، ماذا تفعل في هذه الأيام ؟
الأديب : أؤلف كتابا جديدا عن الأدب يتألف من 40 صفحة.
صديقنا : تؤلف كتابا عن الأدب في شارع ساندي ؟!
الأديب وهو ينظر إلى أحد الأفخاذ المارة في الشارع : هههههه ، لا لقد اتيت في مصلحة خاصة .
صديقنا : آه ، لعله خير .
الأديب : لم اعد استحمل ان اقف هنا في هذا الشارع لأنني لم ار زوجتي منذ دهور !
صديقنا : آه ، لعله خير !
الأديب : ما رأيك بكأس من العصير.
صديقنا : آه ، مرة أخرى !
صديقنا : استميحك عذرا فعندي موعد هناك في ذلك المكان المجهول!
الأديب : آه ، لعله خير.
صديقنا : مع السلامة.
الأديب : مع السلامة.

صديقنا يحدث نفسه : WTF!

انتهت.

لونّلي حياتي - سلم على كناينك

بطل هذه القصه مواطن عادي

الاسم : هادي عبد الصبور
العمر : تقريباً ربع قرن
المهنة : ملموم من الشارع و منتسب الى نقابة الملمومين من الشارع
الهوايات : التلوين و الشخبطه الطبيعيه

تبدأ قصتنا في الصباح الباكر و هادي يدندن بأغنية شهيرة "لنانسي عوسج" تقول فيها :
" شخبط شخابيط
لخبط لخابيط
مسك الالوان و مر-- عالحيط "
يقول في نفسه " الوان طبيعي يا عم , بحبك يا نانسي , هاتي بوسه "

انطلق "عبد الصبور" الى العمل, حيث انه يساهم في نشر ثقافة الالوان في المجتمع الصغير
- مع العلم بان هذه المهنة لا علاقه لها بالشهادة التي يحملها -
ايش لون السما ؟؟ ازرق
ايش لون البحر ؟؟ برضه ازرق
ايش لون الموز ؟؟ اصفر - الموز زاكي
ايش لون قزازة السفن أب ؟؟ اخضر - برضه السفن أب زاكي
ايش لونك بصير لما تشوف "هيفا حسكه" بتنط على التلفزيون ؟؟ &#$^%#!@

في الاستراحه كان يلون بعض الدفاتر و اذ بزميل اسمه "حلويات حلويات" يدحرج التماسي

حلويات: منور يا شقيق
هادي: اهلاً
حلويات: بدك تيجي معنا اليوم ؟؟
هادي: على فين العزم ؟؟
حلويات: بدنا نروح على ندوة للاستاذ "ادهنلي الجبنة عالسندويشة", مسئول الكل في الكل
هادي: بحبش اروح على هيك قعدات
حلويات: و لا انا بس يمكن اروح اشرب عصير طبيعي
هادي في نفسه "قال ولا انا قال يا نصاب" ثم عاد ليقول : جهينة في باكيتات ؟؟ - براءة زايدة عن اللزوم -
حلويات: لا طبيعي - ادهنلي بدهنلك
هادي: طب مش رح يكفي المخزون لكل من في القاعه
حلويات: المهم يعرف الاستاذ "عالسندويشه" انه انا بحب العصير الي بيعمله
هادي: #$&^*%

نص الأمة الي بعرفها راحت على الصالة الى كان فيها الندوة
اسم الصالة " الناس تبكي على الدنيا و قد علمت "

و نفسي افسي

ملاحظة : الاسماء المذكورة اعلاه خيالية و ليس لها علاقة بالواقع - بس بلاااااااااااااااااااااااااااش

مذكرات حرب غزة

بسم الله الرحمن الرحيم

سأقوم بإذن الله بكتابة ذكرياتي فر حرب غزة الأخيرة من تاريخ 27/12/2008 وحتى تاريخ 21/1/2009

سأحاول بقدر المستطاع التقيد بدقة تواريخ الأحداث لأننا خلال الحرب لم نكن نعد الايام ولا التواريخ.

إن توفرت صور او ماشابه سأقوم بارفاقها ، وإن لم يكن سأحاول عمل صور توضيحية

سأحاول بقدر المستطاع أن اجعل سلسلة المقالات هذه كمادة للتاريخ والاجيال ، حتى لا ننسى

1 - البداية 
يتبع ....