تحية للكباب

اول شي بنقول الحمد لله ع سلامة الكل بعد الحرب على غزة
طبعا

انتم مشاعيط العلم ، اتحدو

زمان عنكم وعن قعداتكم المشعوطة
شكلنا تهنا في هالدنيا
على فكرة انا ضايل بحب بليش هههه ، وضايل بلعب تيكين وستريت فايتر ( بغلب الكل إلا هالزطمة بغلبني هو عارف حالو) ، وضايل مشعوط برمجة اكتر من قبل وصرت احب اليابان زي بوبريج هههه قال بدي اتعلم ياباني ههههه زي اللي عنجد.

الله يرحم ايام زمان عنجد

خلينا نسمع منكم يا شباب


على العموم موقعي الجديد الشخصي
http://www.ibnalattar.com/

رحله على البحر

بسم الله الرحمن الرحيم

لقد اعتاد أهل قطاع غزة على البحر كيف لا وهو متنفسهم الوحيد في ظل هذه الاوضاع الصعبة التي يعيشها أهل القطاع من الحصار الشديد.
لذلك أنا أرفع صوتي عاليا أمام الجميع واطلب من اعضائ هذه الغرزة ( اللي بدهم ضرب عشانهم كسلانين ) للوقوف وقفة رجل واحد وان يهبوا هبة رجل واحد إلى البحر ( مش راح تصير طرطشة كبيرة أوي ) .

بدنا نعمل قعدة لطلعة البحر .... رحو ع التصويت.

إبداعات عمكم أبو شهاب , عقيد الغرزة المظفرة

إلا الحماقة أعيت من يداويها

نموذج اسئلة لأحد الطلاب العباقرة

علل لما يأتي :

س : تطفو السفن فوق سطح الماء مع أنها مصنوعة من الحديد.

ج : لأنها تتفوّج وتتموّج.

س : يمتص القطن الماء ولا يمتص الصوف الماء.

ج : لأن القطن يمتص الماء والصوف لا يمتص الماء.

س: قاعدة السد أكبر من اعلاه.

ج: لعدم وجود ضغط للماء فوق سطح الماء.

س: تبنى البيوت من بلوكات اسمنت مجوفة.

ج: لأن الهواء في التجويف يمنع الهواء.

س : تبنى الجدران من الاحجار العازلة للحرارة.

ج : بسبب الطوفان.

س : مركبة تشبه الطائرة تطلق إلى الفضاء وترجع إلى الارض عدة مرات.

ج: كركر فضاء.

يا حبايب .... صدقوا أو لا تصدقوا .. هذا غيض من فيض اللي صار معاي اليوم وانا بمتحن فأحد عباقرة العالم العربي.

اكتر يوم في حياتي ضحكت فيه .

سيرج غزة المحروق

أهليييييييين بالشباب الزاكية

ههههه
اليوم أنا كنت بحلم في اليابان وانا بشم في ريحة السيرج الطالع من عوادم سيارات غزة
بعتت لبوب ريج بقلو تعالى قدم لمنحة برا في اليابان
بعتلي رسالة كاتب فيها
**@##@#**##@#
المهم , فيه جد منح لليابان ماجستير وانا بفكر اقدم مع أني مش ناوي أروح

بس من هان لما تطلع يخلق الله مالاتعلمون

واللي بدو يستفسر على الرقم التالي
022413120

المهم
لاقيت مدريدي وانا بتمشى قاعد وبشم في ريحة السيرج الحلوة طبعا
وبقلهم الله يوفقكم يا كهربجي ويا مدريدي في دورة الصيانة
ورسمي انا حاس حالي اتخوزقت في دورة الاوراكل لأنو لهلقيت للأسف ما اخدنا حاجة جديدة

مش لأني خاتم العلم
بس لأنوالشباب اللي معانا في الدورة لسة اطفال انابيب سنة تانية وتالتة
بيعين الله
والله يعوضنا كلنا هال 300 دولار في يوم
آخر

وأحلا تحية للسيرج المحروق
وللعلم انا اشجع بشدة لبس الكمامات لأنو السيرج المحروق بيعمل سرطان

فتخيل لو كان السيرج أصلا مغشوش وبينحرق بعد ما ينخلط بمواد غريبة

بتطلع كوكتيل سرطانستاني

وعمار يا غزوة

ابتسم فأنت في غزة

وصلتني رساله من مدريدي اليومين الي فاتوا
عنوانها على ما اذكر ابتسم فانت في غزة

بدي اكتب نسختي الخاصه

لما تلاقي نص الناس الي حواليك مقاومة و النص الثاني عملاء ابتسم فانت في غزة

لما يكون جزء كبير من الناس عمال في اسرائيل و مصدر دخلهم يوقف بسبب الوضع و يحوّلوا مهنتهم و يصيروا سائقين اجرة و مصدر دخلهم برضه يوقف بسبب الوضع الحالي و قلة المحروقات و لما تعرف انهم بيشكلوا نسبة كبيرة جداً من السكان و ارباب اسر كبيره ابتسم فانت في غزة

لما تمشي في الشوارع و تلاقي اعلام حمرا و خضرا و صفرا و برتقاليه تمثل الفصائل بكافة اطيافها و ماتلاقي على اي بيت من هاي البيوت علم فلسطين ابتسم فانت في غزة

لما تلاقي الدنيا طخ و رقع و اجتياحات و شهداء بالكبشة و تلاقي في نفس الوقت سهرة في نص الشارع و غنا و رقص و هرج و مرج ابتسم فانت في غزة

و سلّم علااااي
سلّم علاي لما قابلني ولدي يا ولدي
سلّم علااااااااي

تصبحون على وطن

خرابيط لا علاقه لها ببعضها

خربوطة 1 من وحي يوم الجمعة
تمر علينا ذكرى غزوة اُحد و نحن في "خبر خير"
تمر علينا ذكرى غزوة اليرموك و برضه و احنا في خبر خير
تمر علينا ذكرى سقوط بغداد على يد المغول و احنا في العسل
تمر علينا ذكرى احراق المسجد الأقصى و احنا في الصباح الي كله مكسّرات
تمر علينا ذكرى سقوط بغداد على يد المغول الجدد و احنا بنشم الهوا

و على رأي الشاعر المخضرم
و اتاريني
ماسك ال*** بايدايا ماسك ال***
و اه من ال*** يا حبيبي

شم يا حبيبي شم
الله يخللينا الهوا

-----------------

خربوطه رقم 2 شعر تهليسي
لو الزبير سالم عايش في عصرنا و صاحبنا و حب يرد على ابن عبادة شو كان قال ؟؟
اول شي اسمه اكيد اكيد مش رح يكون الزبير احم احم سالم
و لكن رح يكون اسمه الزبير عصمت
و رح يقول قولته المشهورة في الرد على الهومي ابن عبادة

يا منز قربّا رسن النعامة منوو
و الله لالعن عرضو في عزا اموو

-----------------

خربوطة رقم 3 مناخير فوق
ايش بتسوي في واحد بشوف حاله عليك مهنياً
بينما كل مهنته فاشله ؟؟؟
مش عارف بس جاي عبالي اخبط في بطنه

-----------------

خربوطه رقم 4 اجانب
شباب العرب حبايبنا
احنا وهمانين كتير في الاجانب و انهم شقف
بس لما تشتغلوا معاهم وجهاً لوجه رح تعرفوا انهم بسووش بصله
يا عمي في بعد الجاج البلدي

أدب و لا قلة أدب ؟؟

موضوع احببت ان اكتب عنه منذ زمن بعيد
اتحدث عن الأدب العربي و الروايات العربية
طبعاً من يقرأ سيعرف عن ماذا اتحدث

اغلب الكتاب المشهورين و الممتازين في الوطن العربي يشركون بالله في رواياتهم و يشتمون و يلعنون على لسان "ابطالهم"
طيب لماذا ؟؟؟
يعني الواحد ما بيصير مشهور الا لما يلحد بربنا و يطلعله كم من مره عن الملة بطريقة ملتوية و غير مباشرة او مباشرة !!!!!!!!
سخف لابعد الحدود للأمانة

و يتحدث بعضنا عن الرسومات المسيئة و ما الى هنالك من حقد الغرب
عالجوا الحقد الدفين لدى بعض العرب

و يا عيني عالجنس الروائي و المزز و شرب الكحول
دائماً البطل بكون عايف الملة
و سكرجّي
و تبع نسوان مصديّات
و بقعد يكتبلك عن محاولات الاغراء و الانتركورس الي بيصير

عمي انا بفهمش شكلي, تعيش الرواية العربية من المحيط الهادر الى الخليج الداعر

أمر طبيعي

أمر طبيعي عنوان قصيدة لتميم البرغوثي

انا بدي أعدد الأمور الطبيعية في حياتي و حياة الشعب الي أنا اٌعتبر فرد منه "المفروض"

أمر طبيعي: انك تشوف الكارات معبية الشوارع
أمر طبيعي: انه الكارات تكون وسيلة مواصلات لا تحتاج الى مشتقات الوقود
أمر طبيعي: لما تشوف السواقين واقفين طوابير اسبوعيه على 100 شيكل سولار بس
أمر طبيعي: تلاقي السواق بسب على كل حاجه عرفها في حياته عشان فش سولار
أمر طبيعي: انك تلاقي شباب غزة بتحكي ليل نهار عن الزواج و الارتباط بشريك الحياة
أمر طبيعي: انك تلاقيهم و همه بحكوا بيضحكوا من كل قلبهم
أمر طبيعي: انك تلاقي نفس الشباب حاطه ايدها على خدها و مش قادرة تشتغل عشان تبدأ التخطيط الفعلي للزواج
أمر طبيعي: انك تلاقي نفس الشباب برضه بدها تهاجر على اي بلد اوروبي زي السويد عشان تعيش صح
أمر طبيعي: انك تشوف غزة معها احدث انواع الجوالات
أمر طبيعي: انك برضه تشوف نفس هاي الناس بتلعن الوضع و العيشه و قلة الفلوس !!!
أمر طبيعي: انك تشوف ناس عايشة فوق الريح ولا عبالها اشي اسمه غزة
أمر طبيعي: انك تشوف ناس عايشة تحت خط الفقر و برضه ولا عبالها اشي اسمه غزة
أمر طبيعي: انك تشوف مظاهرات ليل نهار لاسباب تافهة او اسباب مهمة
أمر طبيعي: انك كل هاي المظاهرات فيها بند مهم "يوجد مكان خاص للنساء"
أمر طبيعي: انك مع كل هالوضع التعيس تحب البلد هاي و تفتخر بكونك فلسطيني

تصبحون على وطن

اول انتاج على الصعيد العملي

السلام عليكم يا قوم

:D

متشقق اليوم

أقدم لكم اول انتاج مشترك للثنائي الخطير

كنافة + ابو شهاب

موقع العاب الصيف 2008
http://www.sg2008.ps

حلم اصبح حقيقة